जिल्ला सरकारी वकील कार्यालय काठमाडौँले कोशी प्रदेशका पूर्वमन्त्री लिलाबल्लभ अधिकारीमाथि मुद्दा नचलाउने निर्णय गरेको छ। 

मानव तस्करीको आरोपमा पक्राउ परेका अधिकारीलाई पर्याप्त आधार र प्रमाण नदेखिएको जनाउँदै मुद्दा नचलाउने निर्णय गरेको जिल्ला सरकारी वकिल कार्यालयका प्रवक्ता सिताराम रिजालले जानकारी दिए। 

अन्य आरोपी ११ जनाविरुद्ध भने जिल्ला अदालत, काठमाडौँमा मुद्दा दर्ता भएको उनले बताए। जापानबाट नेपाल प्रहरीका डीआईजी चन्द्रकुवेर खापुङ र राजन अधिकारीलाई पठाएको म्यासेज, आफैँले अध्यागमनलाई जानकारी गराएको, विमानस्थलको सिसी टिभी फुटेजमा अन्य आरोपीसँग नदेखिएको, इन्कारी बयान दिएकोलगायतलाई आधार मानेर मुद्दा नचलाउने निर्णय भएको जनाइएको छ।